Вистинска драма се случуваше вечерва во „Американ ерлајнс арената“ во Далас, на дуелот помеѓу домашните Маверикс и актуелниот НБА шампион, Денвер нагетс. Кајри Ирвинг е херој на домашните, откако со звукот на сирената успеа да погоди од поле за победа од 107-105.
LEFT HANDED, CONTESTED, OFF 1 LEG, AT THE BUZZER, FOR THE WIN
KYRIE IRVING IS JUST DIFFERENT 🔥 pic.twitter.com/9dyi2MkLr3
— MavsMuse (@MavsMuse) March 17, 2024
Домашните долго доминираа и го имаа водството, но гостите во финишот успеаја резултатски да се вратат во мечот, дури и да поведат со 102-105. Сепак, мини-серијата на Далас од 5-0 во последните моменти од мечот беа клучни за победата.
Најдобар на теренот беше словенечкиот кошаркар Лука Дончиќ со 37 поени, на кои додаде и девет скока и три асистенции. На спротивната страна, Никола Јокиќ мечот го заврши со само 16 поени, но и дабл-дабл ефект бидејќи имаше и 11 скока и седум асистенции.
