Репрезентацијата на Исланд во третото коло се израдува на првата победа на Светското првенство во Германија и Данска откако убедливо, со 36:18 го победи Бахреин. Овој убедлив триумф на Исланд не оди во корист на Македонија, бидејќи доколку Македонија вечерва загуби од Хрватска, а потоа и од Шпанија, во последното коло може да решава меѓусебниот дуел против Исланд.
Доколку Исланд има подобра вкупна гол-разлика од Македонија, во тој случај во последното коло, „рибарите“ ќе може да одиграат и нерешено против нас.
Во останатите мечеви кои досега завршија, Србија загуби од Бразил со 22:24, Унгарија го победи Катар со 32:26, а Тунис беше подобар од Чиле со 36:30.
