Франција конечно има тим што успеа да победи на гостување во Португалија, на меч од Лигата на шампионите, по црна серија од 19 натпревари без триумф.
Тоа вчера му успеа на Олимпик Марсеј, поранешен европски првак, кој го победи Спортинг во Лисабон со 2:0 и конечно ја прекина неверојатната низа на француските клубови од 19 меча без комплетен успех на гостувањата кај португалските екипи.
Билансот до вчера беше 15 порази и само четири ремија без ниту една победа на екипите од земјата на актуелниот светски првак кога играат против Португалци на гостински терен.
1 – Marseille recorded the first ever win by a French club away from home against a Portuguese team in the Champions League, ending a 19-game winless streak in those games (D4 L15). First. pic.twitter.com/TEmLO5gBDD
— OptaJean (@OptaJean) October 12, 2022
Марсеј победи лесно на „Жозе Алваладе“ во Лисабон со 2:0, со головите на Гендузи од пенал во 20-тата минута и на Алексис Санчес 10 минути подоцна, а домаќините по 19 минути игра останаа без исклучениот Езгајо, а потоа по еден час игра црвен картон доби и Педро Гонкалвеш.
