Олимпик Марсеј загуби од четвртолигашот Андрезио со 0:2 во 32-финалето на Купот на Франција и ова е еден од најсрамните порази во клупската историја на некогашниот европски првак.
Марсеј не го потцени противникот, на терен истрча со полн состав во кој беа Паје, Товен, Луис Густаво, Окампос, голманот Манданда, но овие ѕвезди се посрамотија.
Домашните поведоа со 17 минута, потоа Марсеј напаѓаше, правеше шанси, имаше 28 шута кон голот од кои 10 одеа во рамките, но не даде гол, па во финишот дојде казната и Андрезио постигна уште еден гол, со што си обезбеди место во следното коло. Олимпик Марсеј нема победа на последните седум меча во сите натпреварувања.
