Завршниот турнир во универзитетската НЦАА лига во кошарка, популарното „Мартовско лудило“, годинава е историски, бидејќи во елитните 8 не влезе ниту еден од првите носители кои беа најдобри во регуларниот дел во своите конференции.
Изненадувања се редат како на лента, во четвртфиналето има и колеџи кои првпат се таму, и тешко е да се предвиди кој ќе ја освои титулата на 3-ти април во Хјустон.
После Пердју и Канзас, испаднаа и Алабама и Хјустон, а овие четири тима беа најуспешни во регуларниот дел од сезоната.
