Иако се очекуваше Давид Силва да ги засили редовите на Лацио, икусниот шпански играч за врска се премисли и одлучи да се врати во татковината. Легендата на Манчестер сити по една деценија се врати во Ла Лига, каде што во наредните две години ќе го носи дресот на Реал Сосиедад.
Баскискиот клуб доби фантастично засилување во Силва откако Мартин Одегард се врати во Реал Мадрид. Токму бројот 21, кој беше задолжен за младиот Норвежанец, ќе го носи Давид Силва.
🎥 Tenemos el honor de anunciar que uno de los grandes se une a la familia txuri urdin…#OngiEtorriDavid #AurreraReala pic.twitter.com/r152Q2rATl
— Real Sociedad Fútbol (@RealSociedad) August 17, 2020
Последниот шпански клуб за којшто настапуваше Силва е Валенсија, каде што одигра повеќе од 160 меча пред трансферот на „Етихад“. Во Сити 34-годишниот креативец прерасна во клупска икона, потврда за тоа е најавеното поставување на негова статуа пред стадионот на Граѓаните, но и 13-те освоени трофеи.
