Адис Јаховиќ фати ритам и повторно дава голови, а вечерва за едно полувреме со два погодоци го реши победникот на дуелот меѓу Ѓозтепе и Газијантеп.
Македонскиот репрезентативец најпрво беше стрелец од пенал за Ѓозтепе во 39-тата минута, а потоа погоди и од игра во судиското продолжение од првото полувреме.
Ѓозтепе победи со 2:1, а одлично за нас е што Јаховиќ сè почесто дава голови и се враќа во форма пред мартовскиот бараж-дуел со Италија, па потоа можеби и со Португалија или Турција за настап на Мундијалот во Катар.
Првиот гол на Јаховиќ беше од пенал, а вториот што го постигна од игра во последните моменти од првиот дел можете да го погледнете ОВДЕ.
Јаховиќ неколку години по ред беше еден од најдобрите стрелци во турското првенство, а и сега полека фаќа ритам откако беше повреден, па се врати на терен.
Со овие два гола сезонава во најсилната турска лига има салдо од вкупно 4 погодоци.
