Кошаркарите на Милвоки бакс на свој терен го победија Шарлот со 127:125 во еден од најинтересните мечеви одиграни ноќеска во НБА-лигата. Јанис Адетокумбо имаше уште една феноменална партија, а на крајот заврши со 40 поени, 12 скокови и девет асистенции.
Кај гостите, меч на кариерата одигра Ламело Бол, кој заврши со 36 поени, но и тоа не беше доволно за победа на Шарлот. Токму Адетокумбо беше играчот кој не дозволи Бол и другарите да се надеваат на победа, откако при резултат 125:125, во последниот напад на домаќините, Гркот даде поени за победа на две секунди до крајот.
GIANNIS FOR THE WIN and Miles Bridges nearly pulls off the heist of the season omg pic.twitter.com/BruetTF5UI
— Rob Perez (@WorldWideWob) December 2, 2021
Орландо пред своите навивачи славеше над Денвер со 108:103, што е само петта победа на Магичните сезонава и веќе не е најслаб тим, затоа што Детриот има само четири триумфи. На Денвер не им помогна ниту одличниот Никола Јокиќ, кој заврши со 18 поени, 15 скока и седум асистенции.
Традиционално, Лука Дончиќ е лидер на Далас, тим кој ноќеска славеше убедлива победа на гости кај Њу Орлеанс со 139:107. Словенецот имаше дабл-дабл со 28 поени и 14 скокови, а добар беше и Кристапс Порзингис, кој исто така имаше дабл-дабл со 20 поени и 10 скока.
Резултати: Индијана – Аталанта 111:114, Орландо – Денвер 108:103, Вашингтон – Мајами 115:107, Бостон – Филаделфија 88:87, Мајами – Кливленд 85:111, Милвоки – Чикаго 127:125, Њу Орлеанс – Далас 107:139, Оклахома – Хјустон 110:114, ЛА клиперс – Сакраменто 115:124.
