Во интервју за магазинот „GQ“, грчкиот кошаркар Јанис Адетокумбо изјави дека не ја исклучува можноста еден ден да си замине од Милвоки бакс и да заигра за друг НБА-клуб.
„Грчкото чудовиште“, кој е еден од најдобрите играчи во НБА, ја остава отворена вратата за трансфер и би ги напуштил Елените ако се нафати на предизвик во друг клуб.
„Наша цел беше да ја донесеме титулата тука во Милвоки и успеавме. Беше многу тешко, но успеавме. Сакам предизвици. Кој ми е следниот предизвик? Можеби следниот нема да биде тука“, рече Адетокумбо, кој додава дека е задоволен во Милвоки, и тој и семејството го сакаат градот, но којзнае што може да се случи по две години.