Никола Јокиќ продолжи да приредува чуда во НБА лигата, а ноќеска одигра нова блескава симултанка во најсилната лига на светот против Минесота тимбервулфс.
Популарниот Џокер одлично се забавуваше со неговите импресивни асистенции, а постигна 35 поени, гарнирани со 15 скока во победата на Денвер нагетс од 123:116.
Притоа успеа да се израмни со легендарниот Оскар Робертсон како единствени двајца кошаркари во историјата на НБА што успеале во првите 7 меча да имаат учинок од 150 поени и по 75 скокови и асистенции.
The only players with 150-75-75 through 7 games:
Jokic in 2020-21
Oscar in 1961-62
Oscar in 1963-64 pic.twitter.com/nHRxz4dfQU— NBA.com/Stats (@nbastats) January 6, 2021
Јокиќ иако е центар моментно е и најдобар асистент во НБА лигата со просек од 12.8 прецизни додавања што е раритет во светот на кошарката.
Вообичаено пиедесталот во оваа категорија им припаѓа на бековите, но Јокиќ засега е во предност пред Расел Вестбрук, Џејмс Харден, Тре Јанг и Крис Пол во трката за најдобар асистент во лигата.
Nikola Jokic Assist Prop OVER is 6-0
Jokic Assist Prop is 9.5 tonight@betthehoops pic.twitter.com/aibpJwMRTL
— Bets Trends (@betstrends) January 5, 2021
Ноќеска имаше шест прецизни додавања, но беше брилијантен во останатите две важни категории со 35 поени и 15 скока и најзаслужен за третата победа на Нагетс во седмиот меч во новата сезона во НБА лигата.
