Каков трилер во Дортмунд, Пако го спакува Аугсбург

Повремениот шпански репрезентативец Пако Алкасер е херојот на Борусија Дортмунд, а популарните „милионери“ во трилер меч го победија Аугсбург со 4:3.

Во шесттата минута од судиското продолжение Алкасер го постигна победоносниот погодок, откако претходно имаше неколку пресврти.

Аугсбург водеше со 1:0 и 2:1, потоа Борусија стаса до 3:2, но гостите повторно израмнија во самиот финиш на 3:3. Кога се чинеше дека Аугсбург повторно ќе освои голем бод против фаворит за титулата, сепак Пако стрелаше прецизно во последен момент за победа на лидерот на табелата во Бундеслигата.

Претходно Аугсбург успеа да одигра нерешено, 1:1 против Баерн во Минхен, но денеска не успеа да го повтори подвигот во Дортмунд.

Шалке 04 фати ритам и повторно победи, третпат по ред, денеска во Диселдорф против Фортуна со 2:0. Победа со два гола разлика забележа и Хановер, со 3:1 против Штутгарт, а Мајнц и Херта ремизираа без голови.

- Оглас -

Најнови вести