Борусија Дортмунд во второто полувреме во дербито против Шалке кое се игра на „Велтинс арената“, влезе со предност од 2-0 благодарение на мајсторијата на Ерлинг Халанд.
Во стилот на Златан Ибрахимовиќ, норвешката сензација со неверојатен волеј удар при скок силно ја затресе мрежата на домаќините в 45-тата минута и го продолжи својот голгетерски ритам. Погодокот на Санчо за 1-0 во корист на Милионерите се случи само три минути претходно.