После вчерашниот шокантен пораз на Литванија од Данска, денеска во квалификациите за кошаркарското ЕП се случи уште една сензација, Србија загуби од Швајцарија со 90-92.
Србите кои освојувале медали од големите натпреварувања и имаат еден куп феноменални кошаркари, без своите НБА и евролигашки ѕвезди, се посрамотија против селекција со која Македонија разигруваше во Б дивизија. Новите правила и бројните отсуства кај најсилните селекции во Европа, се шанса за помалите кои немаат толкава традиција.
Интересно е и што во швајцарскиот тим најефикасни беа браќата Марко и Душан Млаѓан, кои се Срби по потекло. Кај Србија најефикасни беа Аврамовиќ со 23, и Апиќ и Анѓушиќ кои уфрлија по 20 поени. За Србија ова е втор пораз во три кола, откако во претходниот квалификациски прозорец загубија и од Грузија.
Ова е кошот за победа и веројатно најважен кош во историјата на швајцарската кошарка:
https://twitter.com/i/status/1332727933887135745
