Алваро Мората не ги задоволи вкусовите во таборот на Јувентус и камбекот му беше неуспешен, па ќе мора да се врати во Атлетико Мадрид.
Црно-белите од Торино воопшто и не размислуваат да ја платат отштетната клаузула од 35 милиони евра за Мората, што е предвидена со позајмицата од Атлетико Мадрид.
La Juventus no tiene ninguna intención de pagar los 35 millones del derecho de compra de Morata. A día de hoy es muy complicado que se quede en Turín. El delantero español volvería al Atlético, a la espera de entender cuál puede ser su futuro de forma definitiva.
— Matteo Moretto (@MatteMoretto) May 16, 2022
Напаѓачот на Јувентус пристигна со цел да ги репризира одличните фудбалски партии од периодот 2014-16 година кога пристигна во Торино од Реал Мадрид и беше дел од шампионската генерација на Старата дама која доминираше во Италија.
Преклани пак дојде во Јувентус, овојпат од редовите на Атлетико Мадрид како позајмен фудбалер, но не прикажа ниту дел од репертоарот што од него го очекуваа во Торино, па ќе мора да си замине ова лето и тоа назад во таборот на Јорганџиите.
Интересно е што во вториот обид во Јувентус, Мората, постигна четири гола повеќе на два меча повеќе од првото доаѓање во клубот, но во овие две години Јувентус не беше шампион и тоа ќе влијае да не биде платена отштетната клаузула од 35 милиони евра.
