Екипата на Левски ќе има одлична поддршка на утрешното гостување во Скопје кај Шкупи, според најавите на некои бугарски медиуми, биле купени 850 билети, а се очекува бројката до утре да порасне и до 1.200.
Инаку, максималниот број на билети кој може да го добие Левски е 1.600. Фановите на софиските Сини ќе бидат сместени на западната трибина на Арената „Тодор Проески“, имаат и детално објаснување каде треба да се движат, а каде не смеат, полициското обезбедување ќе биде силно, а од тимот на Левски велат дека поради поддршката која ја имаат, секаде се чувствуваат како дома.
„Каде и да сме играле, никогаш не сме чувствувале недостаток на поддршка, секогаш се чувствуваме како домаќини“ – рече капитенот Андриан Краев на прес-конференцијата.
Тренерот Николај Костов, истотака ги спомна навивачите.
„За нас е многу важно да бидеме поддржани од нашите фанови, убаво е што ќе бидеме поддржани од толку наши навивачи. За играчите тоа ќе биде мотивирачко“ – вели Костов, кој најави дека во Скопје се дојде по победа.
