Капитенот на Динамо Загреб, Аријан Адеми повторно постигна златен гол за шампионот на Хрватска, денеска против Горица за победа од 1:0 и може да биде клучен човек за одбрана на титулата.
Адеми одлично се исфрли во нападот и од втор обид, откако ја погоди стативата ја уфрли одбиената топка во мрежата на Горица во 86. минута.
Голот на Адеми можете да го погледнете ОВДЕ.
Интересно е што во истата 86. минута македонскиот репрезентативец пред две кола со победнички гол му донесе три бода на Динамо во дербито со Риека.
Денеска со него во тимот беше и Стефан Ристовски, а кај Горица на клупата за резерви остана Влатко Стојановски.
Динамо има 69 бода на четири кола до крајот на првенството, но има и две дербија за играње, против Осиек и Хајдук.
Осиек е втор со 64 бода, а Хајдук е последниот кандидат за титулата со 63 бода.
