Црвена ѕвезда ја елиминираше Судова во првото коло од квалификациите за Лигата на шампиони, но дуелот во Белград на кој домаќините победија со 2:0, остана запамтен по грубиот старт што го направи Марко Гобељиќ врз противничкиот играч Славицкас.
Фудбалерот на Судова заработи скршеница на ногата, а откако беше пренесен во болница, беше констатирано дека има двојна сршеница. Славицкас беше задржан на лекување во Белград, а во болница го посетија Митар Мркела, Звездан Терзиќ, како и фудбалерот Марко Гобељиќ, кој е виновен за скршеницата.
„Мило ми е што имав можност лично да се извинам за повредата која ја направив. Жал ми е за тоа што се случи и затоа многу ми значи тоа што имав можност да позборувам и лично да му се извинам на Славицкас“, изјави Гобељиќ.
Црвена ѕвезда реши да ги превземе сите трошоци за лекувањето на играчот на Судова, а и да обезбеди чартер лет за да го вратат повредениот играч назад во Литванија. Само чартер летот ќе изнесува 12.000 евра.
Крвничкиот старт на Гобељиќ може да го погледнете ТУКА.
