Фудбалерите на Барселона забележаа лесна победа од 0-2 на гостувањето кај фенерџијата во Ла Лига, Алмерија. Каталонците постигнаа по еден погодок во двете полувремиња, и двата беа дело на младиот Фермин Лопес.
Барселона сега ѝ избега со четири бода на Жирона на втората позиција во шпанската Примера дивизија и сосема извесно е дека ќе заврши на вицешампионската позиција на табелата, веднаш зад новиот шампион Реал Мадрид.
