Шарл Леклер доживеа големо разочарување во Монте Карло, откако механички проблем со менувачот се појави пред почетокот на трката, по што возачот на Ферари кој требаше да тргне од пол-позицијата воопшто не учествуваше.
Големата награда на Монако така припадна на Макс Ферстапен, кој од почетокот ја презеде лидерската позиција и до самиот финиш не попушти. За возачот на Ред бул ова е втора овосезонска победа по пет трки, а возачот кој му вршеше најмногу притисок, Валтери Ботас на Мерцедес, мораше да се откаже по 29 круга откако влезе во пит стопот и неговиот тим не можеше да го реши проблемот со тркалата.
Светскиот шампион Луис Хамилтон остана на местото на кое ја почна трката, заврши седми, а пред него се наредија Карлос Сајнц и Ландо Норис како двајцата кои го пополнија подиумот, следуваа Перес, Ветел и Гасли.
NEW. CHAMPIONSHIP. LEADER.@Max33Verstappen leads the drivers’ championship for the first time in his career 🤩
And it’s a return to the top for @redbullracing too!#MonacoGP 🇲🇨 #F1 pic.twitter.com/IWWpI5hXyI
— Formula 1 (@F1) May 23, 2021
