ПСЖ веќе го одреди својот прв приоритет за летниот преоден рок, а таа одлука не е добра вест за еден премиерлигаш. Откако по драматично финале и изведување пенали го совлада Арсенал и ја одбрани титулата во Лигата на шампионите, тренерот Луис Енрике веќе ги крои плановите за следната сезона.
Со играчи како Усман Дембеле, Витиња, Хвича Кварацхелија и Ашраф Хакими, кои се носители на играта, не е изненадување што ПСЖ се смета за еден од најсилните тимови во светот. Сепак, Енрике сака дополнително да го засили нападот.
Според француските медиуми, шампионот на Европа покажува сериозен интерес за младиот напаѓач Ели Жуниор Крупи од Борнмут.
Тинејџерот беше едно од најпријатните изненадувања во Премиер лигата минатата сезона. По трансферот вреден околу 15 милиони евра, тој одигра 33 натпревари и постигна 13 гола, поставувајќи рекорд за најмногу погодоци од тинејџер во дебитантска сезона.
Сепак, од Борнмут немаат намера лесно да се откажат од својот талент. Спортскиот директор Тијаго Пинто наводно не размислува за продажба ова лето, особено бидејќи Крупи има договор до 2030 година.
Според истите извори, младиот напаѓач веќе им соопштил на клупските челници дека сака трансфер во ПСЖ. Интерес за него покажале и Арсенал и Ливерпул, па се очекува во текот на летото да пристигнат уште понуди.
Иако ПСЖ важи за фаворит поради желбата на играчот да се пресели во Париз, Борнмут моментално е во силна преговарачка позиција и ќе има последен збор околу евентуалниот трансфер.
