Селекторот на Португалија, Роберто Мартинес, не ја исклучува можноста Кристијано Роналдо да игра и на Светското првенство во 2030 година. Иако суперѕвездата тогаш ќе има 45 години, Мартинез верува дека неговата ментална сила би можела да го наведе Роналдо да игра на турнирот, на кој еден од главните домачини ќе биде неговата Португалија.
Мартинес верува дека внатрешниот поттик на Роналдо е она што го издвојува од другите фудбалери. Додека многумина се фокусираат на неговата физичка подготвеност, Мартинез истакнува дека токму психологијата на играчот на Ал-Наср е клучна за пркосење на возраста. Според него, желбата на Роналдо да се подобрува никогаш не се намалува, без оглед на бројните трофеи што ги освоил во својата кариера.
„Кристијано не игра за да освои одредена титула, било да е тимска или индивидуална. Неговата тајна не е во тоа што јаде, туку во неговиот глад. Што и да освои, следниот ден чувствува иста глад за подобрување. Мислам дека тоа му ја обезбедува долговечноста. Работев со многу играчи кои, денот по освојувањето на Лигата на шампионите или Златната топка, повеќе ја немаат истата глад. Тој ќе се бори да игра и во 2030, никои не треба да се сомнева во тоа“, рече португалскиот селектор.
Роналдо во ноември рече дека Мундијалот во 2026 година ќе биде неговиот последен настап на светската сцена. Но, никогаш не се знае.
