Барселона има и женска казнена експедиција што игра фудбал на врвно ниво, а денеска дамите во копачки од Каталонија приредија спектакуларно шоу во финалето на шпанскиот Суперкуп.
Марта Торехон и нејзините клупски колешки го декласираа Реал Сосиедад со 10:1 во мечот за пехарот во Суперкупот на Шпанија.
Торехон постигна четири гола, а ова е највисока победа во финале на шпанскиот Суперкуп. Убедливата победа фаворитките ја најавија со блескава игра уште во првото полувреме што го добија со 6:0, а голеадата продолжи и во следните 45 минути.
🏆 SPANISH SUPER CUP FINAL
1️⃣ Real Sociedad
1️⃣0️⃣ Barça 🤯CONGRATULATIONS, @FCBfemeni!
👏👏👏👏👏👏👏👏👏👏 pic.twitter.com/65yYNnn5Dj— FC Barcelona (@FCBarcelona) February 9, 2020
На фајналфор турнирот за пехарот настапи и Леванте, екипа чиј член е најдобрата македонска фудбалерка Наташа Андонова, но не играше во полфиналниот меч што нејзината екипа го загуби од Реал Сосиедад со 0:1.
Претходно Андонова настапуваше токму за новиот освојувач на пехарот во шпанскиот Суперкуп, за екипата на Барселона.
