Њукасл ќе се обиде да го купи Џејмс Медисон и му понуди на Лестер 45 милиони евра за ангажман на одличниот играч за врска, што може да игра и како офанзивец на повеќе места на теренот.
Медисон е една од ѕвездите на Лисиците и е релативно млад, бидејќи има 25 години и долга кариера пред него.
Во Њукасл го сметаат за клучно засилување и Џејмс е приоритет за тренерот Еди Хау.
Во Лестер е од 2018 година и одигра 133 натпревари со 33 постигнати гола. Има и еден настап за Англија, а се надева дека ќе патува на Мундијалот во Катар со селекцијата на Гордиот Албион.