Македонската фудбалска репрезентација го одржа единствениот тренинг во Исланд, пред утрешнито квалификациски меч во Рејкјавик, во обид да се победи домаќинот и да се остане во трката за настап на Мундијалот во Катар.
Интересно е што токму против Исланд, но во дуел со младата репрезентација на оваа земја пред пет години Милевски и неговите избраници ја почнаа историската авантура што ги доведе до настап на ЕП во Полска за играчи до 21 година.
Само тој пораз од 3:0 во Исланд ни беше неуспех во фантастичниот квалификациски циклус што го завршивме на првото место пред моќната Франција и игравме на првото големо натпреварување во историјата на македонскиoт фудбал.
Сега Милевски има нова задача и искушение, да се обиде како селектор на А репрезентацијата да ја одведе Македонија на ново големо натпреварување, а прва цел е Мундијалот во Катар, идната година.
Со Игор Ангеловски како селектор, Македонија забележа голем успех и играше на сениорското Европско првенство оваа година, а дел од играчите што сега играат за А селекцијата играа и во Полска и во Букурешт и Амстердам.
Сега целта е да се приреди подвиг и да се игра на Светско првенство, во Катар идната година.
Против Исланд ова ни е трето гостување, а имаме едно реми, 1:1 и пораз од 0:1.
Македонија по четири кола е на третото место со 7 бода, зад Ерменија со 10 и Германија со 9, а пред Романија, која има шест бода, Исланд со 3 и Лихтенптајн без бодови.
Само победникот во Ј групата сигурно ќе игра во Катар, а шанса низ бараж има и второпласираната репрезентација.
