УЕФА донесе храбра одлука, која е најавена како конечна и Европското првенство идната година ќе се игра како што е планирано во 12 држави.
Тоа е одлична вест и за Македонија и за сите симпатизери на фудбалот во нашата земја, бидејќи останува утврдениот распоред да одиграме два меча во Букурешт и еден во Амстердам.
Првенството ќе се игра од 11. јуни до 11. јули идната година, а Македонија ќе дебитира, откако преку Лигата на Нации избори историски настап на ЕП.
Првиот меч ќе го играме во Букурешт против Австрија на 13. јуни, а четири дена подоцна на истото место ќе играме против Украина.
Потоа следи преселба во Амстердам и последен меч во фазата по групи против еден од домаќините на ЕП, репрезентацијата на Холандија.
