Селекторот на Македонија, Благoја Милевски, ќе мора да најде рецепт да „измисли“ нов Горан Пандев за денешното гостување во Ереван кај Ерменија, селекција која само една[ сме ја победиле како гости на пет меча.
Едниот го игравме на Кипар, поради корона-кризата, и тоа лани, во ноември, а и тогаш Ерменците беа подобри и славеа со 1:0 во меч од Лигата на нациите.
Со тој пораз Македонија остана во Сегментот Ц, а Ерменците се префрлија во Сегментот Б, па сега е време за реванш во квалификации за Светско првенство.
Токму во таков меч ни е единствената победа против Ерменците на гостински терен, во 2005 година, а победа ни донесе нашиот најдобар фудбалер во овој век, Горан Пандев.
Со два гола во 29-тата минута од пенал и во 47-мата, Пандев ни ги донесе бодовите со победа од 2:1, доволни само за четвртото место во тогашната Прва квалификациска група и не игравме на СП во Германија следната година.
Претходно, во 1995 година ремизиравме 2:2, а потоа имаме порази од 1:4 и 0:4 и тој во Кипар лани со 0:1.