Шпанскиот голман Кепа Аризабалага летово како позајмен пристигна од Челзи во Реал Мадрид и следната сезона ќе го брани голот на Кралевите. Тој на „Сантијаго Бернабеу“ пристигна да го замени повредениот Тибо Куртоа, а вели имал понуда од Баерн Минхен и гаранции од Челзи дека ќе брани.
Сепак, во изјава за шпанскиот весник „Марка“ вели дека кога пристигнала понудата од Реал Мадрид, едноставно без размислување прифатил и одлучил да се пресели во татковината.
„Сѐ се случи многу брзо. Вистина е дека Покетино сакаше да останам во Челзи и ми рече дека ќе играм бидејќи ми верува. Меѓутоа, мислам дека промената ќе ми одговара. Сакав промена. Ме повика и Томас Тухел. Бев многу блиску до траснфер во Баерн Минхен. На крајот, Реал Мадрид е Реал Мадрид. Кога ќе ве повика Реал Мадрид, не треба двапати да размислите. Големо е задоволството да се биде тука“, вели Аризабалага.
