Килијан Мбапе е незадоволен со доаѓањето на Лионел Меси во Пари Сен Жермен и сака да си замине од францускиот клуб. Еден од најдобрите напаѓачи на светот се чувствува загрозен со трансферот на Меси од Барселона во ПСЖ и не сака да продолжи да игра за својот сегашен клуб, објави францускиот новинар Тибо Везиријан.
🚨 Kylian Mbappé veut partir. Il a demandé son bon de sortie et ne souhaite pas prolonger. Soit c'est le Real Madrid cet été, soit un départ libre dans un an. Il avait déjà prévenu il y a plusieurs semaines qu'il ne souhaitait pas jouer avec Messi. #PSG 🔴🔵
— T.V. (@ThibaudVezirian) August 11, 2021
Везиријан е одлично верзиран и информиран со состојбите во Пари Сен Жермен и досега имаше објавувано доста точни информации што се однесуваа на повеќекратниот француски првак.
Со трансферот на Лео се најавуваше дека ПСЖ ќе има дрим-тим, можеби и најсилен состав во историјата на клупскиот фудбал, со трилнгот офанзивци, Меси, Нејмар и Мбапе, потоа и со Рамос, Маркињос, Ди Марија и уште дузина топ играчи, но сега тоа може да се растури поради незадоволството на Мбапе.
Реал Мадрид е фаворит за ангажман на Килијан, ако се оствари неговата желба и најавата на Везиријан дека ќе си замине од Париз.
