Ник Кирјос повторно беснееше, а главна цел му беше српската судијка Маријана Вељовиќ, која имаше челични нерви да ги истрпи нападите на австралискиот тенисер во меч што траеше три и пол часа на Отвореното првенство на Австралија.
Кирјос имаше многу забелешки на системот што означува нец на мрежа и постијано бараше од Вељовиќ да реагира, но судијката беше немоќна бидејќи технологијата не зависи од неа, туку токму од сонародниците на Кирјос кои го организираат гренслемот во Мелбурн.
Polemiche in corso per Nick Kyrgios 😬
Segui il match contro Ugo Humbert LIVE su https://t.co/1bcz0G3dc9 ed Eurosport Player 💻📱#EurosportTENNIS | #AusOpen | #AO2021 pic.twitter.com/JoSdliJ3Fj
— Eurosport IT (@Eurosport_IT) February 10, 2021
За пофалба е само упорноста и начинот на кој Кирјос го победи Уго Умберт со 3:2 во сетови во маратонска битка, откако губеше со 1:2.
Клучен беше четвртиот сет, по кој домашниот тенисер со поддршка од трибините израмни на 2:2 со добиен сет во тајбрејк со 7:2 во поени.
Претходно Кирјос го искрши и рекетот, но сепак славеше со 6:4 во решавачкиот сет за конечна победа од 3:2 и дуел со ланскиот финалист Доминик Тим во третото коло на првиот тениски гренслем турнир во сезоната.
