Одбивањето на голманот на Челзи, Кепа, да излезе од теренот за време на мечот против Манчестер сити не беше единствениот инцидент кој вчера се случи помеѓу тренер и играч во Англија. На дербито меѓу Манчестер јунајтед и Ливерпул во незгодна ситуација се најде и стратегот на гостите Јирген Клоп.
Менаџерот на Ливерпул реши во 72-рата минута од игра да го извади капитенот Џордан Хендерсон и на негово место да го внесе Џердан Шаќири. При излегувањето од теренот, Клоп му подаде рака на играчот, а овој само помина без да се поздрави.
На оваа реакција на капитенот, веднаш реагираше Клоп и му одржа лекција за тоа како треба да се однесува, а потоа Хендерсон му подаде рака на својот тренер. Едноставно, германскиот стратег не сака да ги испушти работите од контрола како што го направи тоа Сари во Челзи.
https://twitter.com/i/status/1099777267142582272