Коби Брајант ќе остане како еден од најдобрите кошаркари во историјата. Легендарниот Коби, синоќа трагично го загуби животот во хеликоптерска несреќа во близина на Лос Анџелес. Заедно со Брајант, загина и неговата 13-годишна ќерка, како и уште седум други луѓе, меѓу кои имаше уште две девојчиња, врснички на неговата ќерка.
Дека секогаш ќе се памти името на Коби Брајант во НБА потврдува и најавата дека тој ќе биде прогласен за член на Куќата на славните.
„Се очекува оваа година да биде и најепска класа во историјата затоа што тука се Коби Брајант, Кевин Гарнет и Тим Данкан“, потврди претседателот на Куќата на славни, Џери Коланџело.
Коби е единствениот играч на кого два дреса се повлечени, а тоа се дресовите со броевите 8 и 24 во Лос Анџелес лејкерс.