По поразот од Борац во Чачак, тренерот на МЗТ Скопје Аеродром, новопечениот татко Ѓорѓи Кочов, кој денеска доби син, изјави дека противникот погодил некои шутеви кои е многу тешко да се погодат, и тоа заедно со поддршката од 1.500 навивачи, и биле клучни за исходот.
„И ние да победевме, не би било незаслужено. Имавме контрола некои 20 минути, но во второто полувреме Борац погоди неколку неверојатни шутеви. Тешко е да се игра на ваков жежок терен. Салата на Борац е полна со историја, чест е да се игра тука“, рече Кочов.
„Сметам дека одигравме одлично во одбраната и благодарение на големата енергија, ја совладавме одличната екипа на МЗТ. Тие се тим кој доби доста мечеви на гости, затоа бевме претпазливи. Мечевите се редат како на лента, не ни е лесно. Би сакал да изразам благодарност до публиката која ни беше ветер во грб“, изјави тренерот на Борац, Јовица Арсиќ, поранешен македонски селектор и тренер на Струмица во шампионските денови пред 11 сезони.
