Кои клубови ја притиснаа УЕФА да го исфрли Манчестер сити од ЛШ?

Поради кршење на правилата за финансискиот ферплеј, Манчестер сити во петокот доби двегодишна забрана за настап во европските купови на УЕФА. Тоа значи дека следните две сезони сигурно ќе бидат без Граѓаните во ЛШ.

Сити е првиот клуб кој доби сериозна казна од УЕФА, иако и во минатото се случуваше големите клубови да работат спротивно на правилата на Европската фудбалска федерација.

Според некои извори, за казнување на Манчестер сити најмногу инсистирале од Реал Мадрид. Од Кралскиот клуб настојувале да бидат соодветно казнети оние кои ги кршат правилата. Освен Реал Мадрид, за исфрлување на Сити од ЛШ бил и германскиот гигант Баерн Минхен.

Челниците на Сити најавија дека ќе се жалат на оваа одлука на УЕФА, но тешко дека ќе успеат да се спасат од исфрлање од Лигата на шампионите. Освен Сити, слична казна во иднина се заканува и за францускиот првак Пари Сен Жермен, за кого се знае дека го има прекршено финансискиот ферплеј.

 

- Оглас -

Најнови вести