Баерн Минхен продолжи да гази во препознатлив стил, што го доведе тимот до титулата европски првак, а баварската фудбалска машинерија нема проблеми на стартот од новата сезона и во Бундеслигата.
За само половина час со три гола го декласираа Шалке 04 и водат со 3:0 по првото полувреме. Серж Гнабри со експресен погодок во четвртата минута потврди кој е апсолутен фаворит на премиерата во Германија.
Само 15 минути подоцна Леон Горецка беше прецизен по одличното додавање на Томас Милер и веќе беше јасно кој ќе победи на „Алијанц арена“ во Минхен.
Со гол од пенал нова успешна сезона најави и Роберт Левандовски во 31. минута. Ланскиот најдобар стрелец во Бундеслигата рутински погоди и го совлада немоќниот голман на гостите Ралф Фарман.
