Во битка за место во групната фаза од Лига Европа ќе има повеќе од 40 тима, тука ќе бидат екипи кои ќе испаднат од квалификациите за Лигата на шампионите, како и оние што досега играа квалификации, или не играа бидејќи нивните лиги имаат добар рејтинг. Во последната фаза пред влезот во групите, ќе има екипи и од најсилните лиги.
ДВОЈКИ ЗА ПЛЕЈОФОТ ОД ШАМПИОНСКИОТ ПАТ: Макаби Тел Авив/Судува – Динамо Загреб/Ференцварош, Црвена ѕвезда/Копенхаген – Рига/Хелсинки, Клуж/Селтик – Шериф/АИК, Арарат/Сабуртало – Дуделанж/Номе Калју, Лудогорец/Њу Сеинтс – Марибор/Розенборг, Сутјеска/Линфилд – АПОЕЛ/Карабах, Слован Братислава/Дандалк – ПАОК/Ајакс, Астана/Валета – Сараево/БАТЕ Борисов.
ДВОЈКИ ЗА ПЛЕЈОФОТ ПРЕКУ ПЛАСМАН ВО ПРВЕНСТВАТА: Торино/Шахтјор Белорусија – Пјуник/Вулверхемптон, Универзитатеа/АЕК – Спарта Прага/Трабзонспор, Легија/Атромитос – Мидјиланд/Ренџерс, Феенорд/Динамо Тбилиси – Норчепинг/Бер Шева, Стеауа/Млада Болеслав – Вентспилс/Виторија, АЕК Ларнака/Гент – Ријека/Абердин, Хаугесунд/ПСВ – Австрија Виена/Аполон, Луцерн/Еспањол – ЦСКА Софија/Зорја Луганск, Партизан/Малатијаспор – Молде/Арис, Брондби/Брага – Тун/Спартак Москва, Малме/Зрински – Нефтчи/Бнеи Јехуда, Локомотив Пловдив/Стразбур – Вадуз/Ајнтрахт, Мариупол/АЗ Алкмар – Антверп/Плзен.
Мечевите ќе се играат на 22 и 29 август. На победниците од овие 21 двобои, ќе им се приклучат 17 тима од најсилните лиги кои директно обезбедија место, плус шест тима кои ќе испаднат од последното квалификациско коло за Лига на шампионите и четири кои ќе испаднат во третото коло од квалификациите за ЛШ во оној таканаречен шампионски пат.
