Македонија одигра одлични 20 минути против Словенија во првиот меч од втората фаза на Мундијалот во Египет, но падот во играта во третата делница од првиот дел не чинеше скапо и заостануваме за 4 гола, 9:13 по првите 30 минути.
Македонија постојано водеше до средината на првото полувреме, најмногу благодарение на цврстата одбрана и на расположениот голман Никола Митрески, кој имаше вкупно 7 одбрани во првото полувреме.
Конечно се разбуди и Филип Талески постигна три гола, први на Мундијалот во Египет, но застанавме во последните 10-тина минути и од 9:9, Словенците направија серија од 4:0 за голема предност од 13:9 по првиот дел.
Ова е првиот меч за двете репрезентации во втората фаза по групи на Светското првенство во Египет, а Македонија ќе игра уште и со Русија и Белорусија.