Центарот на Олимпијакос Никола Милутинов, од следната сезона ќе ги брани боите на ЦСКА Москва. Српскиот репрезентативец се согласи на тригодишна соработка со актуелниот европски првак и ќе заработува три милиони евра по сезона, односно вкупно девет милиони евра со што ќе биде меѓу најплатените кошаркари на Стариот Континент.
Милутинов наводно имал понуда и од Барселона, но најдобриот руски клуб понуди повеќе пари па логично е што ги одбра Армејците. Србинот во сезоната пред да се прекине беше меѓу поефикасните играчи во Евролигата со 10,3 поени и 8,2 скока по натпревар. Веќе има една европска титула во својата кариера која ја освои со Олимпијакос во 2016 година.
Во период кога пандемијата со Коронавирусот преовладува и во спортот, добро е да се истакне барем една традиционална спортска вест, а се надевам дека наскоро ќе се вратиме на секојдневното информирање околу спортските случувања.