Џоана Конта немаше милост кон ланската финалистка на Ролан Гарос, ја декласира Слоун Стивенс со 6:1, 6:4 и ќе игра во полуфиналето на престижниот гренд-слем турнир во Париз.
Таа е првата Британка во новиот милениум што ќе игра полуфинале на Ролан Гарос, а сега и фали само настап во истата фаза на САД Опен во Њујорк за да комплетира полуфиналиња на сите четири гренд-слем турнири.
Денеска потполно ја декласира седмата носителка Стивенс и лесно се пласира во завршницата во Париз. И има одлична шанса да игра и во првото гренд-слем финале во кариерата, бидејќи противничка ќе и биде победничката од дуелот меѓу нерангираната Вондрушова и 31-та носителка Мартиќ.
Последна шампионка од Велика Британија во Париз, на вториот гренд-слем во сезоната е Сју Баркер пред 43 години, а последна полуфиналистка е Џо Дјури во 1983 година.
