Контроверзниот газда на Елмас повеќе нема да купува африкански фудбалери

Аурелио де Лаурентис, сопственикот на Наполи, донесе контроверзна одлука повеќе да не ангажира африкански фудбалери за својот тим.

Причината е што Де Лаурентис не сака да троши пари на фудбалери кои нема да ѝ бидат на располагање на екипата среде сезона, односно во зимскиот период, поради нивните обврски во Купот на африканските нации. Ако веќе дојде до таква ситуација, клубот да мора да ангажира Африканец, играчот ќе треба да се согласи на услов во договорот и да се откаже од репрезентативни настапи додека трае клупската сезона.

„Немам ништо против околу нивното потекло, но ако сакаат да играат за Наполи, прво ќе треба да се согласат на услов да се откажат од репрезентативните обврски. Не сакам да бидам од оние будали кои плаќаат фудбалери кои на среде сезона клупските обврски ги ставаат во втор план“, истакна Де Лаурентис за италијанските медиуми.

Наполи до неодамна имаше тројца такви фудбалери. Калиду Кулибали, кој настапува за Сенегал, сега е во Челзи, додека Виктор Осимхен и Андре Замбо Ангиса се ѕвезди на Нигерија и Камерун.

- Оглас -

Најнови вести