Кореографијата наменета како последен поздрав за 22-годишниот навивач Корај Шенер, кој почина од срцев удар за време на мечот со Галатасарај, го одбележа почетокот на средбата помеѓу Фенербахче и Андерлехт од Лигата на Европа.
Црни картони и ликот на Корај во дрес на својот омилен клуб со ангелски жолти крилја беше кореографијата која ја приредија домашните фанови. Во првите пет минути немаше песна од трибините, а потоа публиката го скандираше името на прерано починатиот навивач.
По првото полувреме во Истанбул, нема голови, а во составот на Фенер е и нашиот Елиф Елмас.
