Голден стејт вориорс повторно е шампион на НБА лигата по победата од 103:90 во шестиот меч од финалето против Бостон селтикс, а брилијантниот Стефон Кари ја доби наградата за најкорисен играч во плејофот.
За популарните Воини, кои славеа со 4:2 во финалната серија, ова е вкупно седма титула во НБА и четврта во последните 7 години.
Stephen Curry drains his 150th career 3-pointer in the #NBAFinals pic.twitter.com/xSRmdpziJF
— NBA (@NBA) June 17, 2022
Стефон Кари повторно покажа дека е еден од најдобрите кошаркари на сите времиња и со учинок од 34 поени и по 7 скока и асистенции го предводеше својот тим до нов пехар, четврти од 2015 година на оваа генерација на Голден стејт вориорс.
Бекот на Воините со 4 титули и две признанија МВП во финалето им се приклучи само на уште шестмина кошаркари со учинок 4+2.
Stephen Curry is now the 7th player in NBA history to win 4+ NBA titles, 2+ #KiaMVP Awards. pic.twitter.com/HDjHC8dZNL
— NBA History (@NBAHistory) June 17, 2022
Клучна за победата на Голден стејт во Бостон ноќеска беше серијата од 21:0 на крајот од првиот период и почетокот на вториот, кога негативата од 22:16 ја свртеа во позитива од 37:22.
Кари на претходниот меч не погоди ниту една тројка, па имаше и сеир на негова сметка од навивачите на Бостон, но кога беше најпотребно, беше во препознатлив елемент и во завршниот меч погоди 6 од 11 удари за три поени.
Во финалето блескаше и Ендрју Вигинс, кој потполно го сопре главниот адут на Бостон, Џејсон Тејтум, а беше одличен и во офанзивата со 18 поени, шест скока и пет асистенции.
Голден стејт со новата титула се одлепи од Чикаго булс и сега е третата најтрофејна екипа во историјата на НБА-лигата зад Бостон и Лос Анџелес лејкерс, кои имаат по 17 пехари.
"What are they gon say now" -Stephen Curry
Celebration Time #NBA75 🏆🍾 pic.twitter.com/Tg5Adi73tz
— NBA (@NBA) June 17, 2022
Џејсон Браун со 34 поени и Ал Хорфорд со 19 коша и 14 скока беа најдобри поединци кај поразениот тим, кој има пет неуспеси во финалињата во НБА-лигата.
