Хрватскиот стручњак Дамир Мулаомеровиќ е наименуван за тренер на клубот З-Мобиле Приштина. Популарниот Мула е актуелен селектор на националниот тим на Косово (противник на Македонија во претквалификациите за ЕП 2021), а од денеска го презема најтрофејниот клуб во таа земја.
Со работата во клубот, со кого ќе настапува и на меѓународна сцена (ФИБА Куп на Европа и БИБЛ), Мулаомеровиќ ќе има прилика секојдневно да работи со неколку косовски репрезентативци, но и подобро да се запознае со можностите на играчите од другите клубови.
Како играч, Мулаомеровиќ имаше одлична кариера, во 2002 со Панатинаикос ја освои Евролигата, наредната година играше и за Реал Мадрид, а како тренер, засега станици му се Слобода Тузла, Цибона и Приштина, додека како селектор работел во БиХ и Косово.
