Чилеанскиот ветеран Артуро Видал се врати дома, потпиша со Коло Коло, клубот во кој ја почна професионалната кариера во 2005 година.
Видал, кој има 36 години и во кариерата играше за гиганти како Јувентус, Баерн, Барселона и Интер, во минатата сезона беше во бразилскиот Атлетико Паранаенсе. Тој е фудбалер со најмногу победи за Чиле, двапати ја има освоено Копа Америка, а договорот со Коло Коло му е на една сезона.
Од клубот му го доделија омилениот дрес со бројот 23.
