Бундеслигата одолеваше, но на крајот одлучи да ја суспендира сезоната на привремен период, односно додека трае пандемијата со коронавирусот. Како сите останати првенства во светот, па така и германскиот фудбалски шампионат ги прекина активностите, но еден клуб одлучи да му пркоси на пандемијата.
Имено, Лајпциг започна со тренинзои во специјални услови. Се работи во мали групи, а во текот на тренинзите играчите не смеат да имаат физички контакт. Воедно осигурани се посебни соблекувални за играчите, што значи дека Црвените бикови ништо не оставаат на случајот.
Очигледно е дека клубот од Саксонија ја поседува храброста на Италијанците, ако се знае дека три калчолигаши веќе најавија, односно започнаа со тренинзи покрај тоа што кризниот период и натаму трае.
