Френк Лампард со синоќешниот пораз од Реал Мадрид влезе во историјата на Челзи, но на негативната страна од историјата. Тој ќе биде запишан како тренер со најлош старт во 118-годишната историја на клубот со четири порази на првите четири натпревари.
Лампард на своето деби беше поразен од Вулверхемптон со 1-0, следуваше поразот од Реал Мадрид на првиот натпревар од четвртфиналето на Лигата на шампионите. Потоа Челзи беше поразен на домашен терен од Брајтон со 1-2 и вториот пораз од Реал Мадрид синоќа е вкупно четврти во серија за Сините од Лондон.
Фудбалерите на Челзи на овие четири натпревари постигнаа само еден погодок, оној на Галагер против Брајтон, а примија дури 7 гола.
Лампард шансата за првата победа ќе ја бара на дуелот против Брентфорд во рамките на Премиер лигата кој ќе се одигра следната среда.
