Лацио вечерва објави кратко соопштение во кои официјално се прости од досегашниот тренер Симоне Инѕаги, а тоа го направија без да му го спомнат името. Иако Инѕаги имаше устна согласност за продолжување на договорот со римските Орли, сепак денеска се премисли, и прифати да стане тренер на Интер.
„Го почитуваме премислувањето на тренерот, и поранешен играч, чие име со години беше врзувано за семејството Лацио и многуте успеси на клубот“ – објавија од Лацио.
Симоне Инѕаги беше играч на Лацио од 1999 до пензионирањето во 2010 година, Како тренер, првпат дојде пеед пет сезони и еднаш го освои Купот, двапати Суперкупот на Италија, и го одведе тимот до ЛШ после 13 сезони без учество во европската елита.