Селекторот на македонската ракометната репрезентација, Кирил Лазаров, со неговиот клуб Нант во полуфиналето во ракометната Лига на шампионите ќе игра против Барселона, а другиот полуфинален пар е ПСЖ – Алборг. Двата полуфинални мечеви на завршниот турнир во Келн се закажани за 12-ти јуни, додека финалето и мечот за третото место се играат на 13-ти јуни.
Лазаров денеска објави и поширок список од 35 ракометари на кои смета за двете контролни средби против Србија во Ниш, кои треба да се играат на 19-ти и 20-ти јуни. Лазаров по завршувањето на сезонава ќе ги собери играчите, сите од домашното првенство, и од нив ќе одбере кои ќе настапат на двомечот со Србите во рамките на ЕХФ неделата.
