Леброн Џејмс е како временска машина и не му требаше многу да блесне, на вториот меч откако се врати во НБА лигата по повредата на бутниот мускул.
Ноќеска им одигра симултанка на кошаркарите на Сан Антонио спарс со 39 поени, 11 скока, 7 тројки и 10 од 10 погодени слободни фрлања.
Лос Анџелес лејкерс славеа со 143:138, а на Џејмс веднаш му направија споредба, како игра и погодува сега на 37-годишна возраст и како тоа го правеше на ист ден во 2005 година. Тогаш имаше само 20 лета и бројките се фрапантни и многу слични.
This is crazy pic.twitter.com/BxiSCUrVqJ
— NBACentral (@TheNBACentral) November 27, 2022
Цепелинот што го изведоа со Расел Вестбрук покажа какви атлети се и Кралот Џејмс и Рас, кој постигна 11 поени со 7 скока и шест асистенции.
RUSS TO BRON 😤 pic.twitter.com/1jfCx5OT3H
— NBA on ESPN (@ESPNNBA) November 27, 2022
Вестбрук во еден момент доживеа незгодна повреда на челото кое крвареше по грубиот фаул на Зак Колинс, но брзо беше санирана, а беше избегнат и поголем инцидент и физичка пресметка.
Russ is leaking 😳 pic.twitter.com/F9IIf25k2w
— NBACentral (@TheDunkCentral) November 27, 2022
Во неверојатна форма сезонава игра Шеј Гилџиус-Александер, кој носќеска постигна 32 поени и пак ја мина границата 30, но неговиот тим Оклахома сити тандерс загуби во Хјустон со 118:105.
Russ is all cleaned up pic.twitter.com/sQoJdgUfVQ
— NBACentral (@TheNBACentral) November 27, 2022
Шеј е четврти стрелец во НБА со просек од 31 поен, што е едно од најголемите изненадувања во најсилната кошаркарска лига на светот.
Во неизвесни натпревари Торонто го победи Далас со 105:100, а Феникс славеше против Јута џез со 113:112.
