Прославената американска тенисерка Серена Вилијамс уште не се предава. Иако за еден месец ќе полни 41 година, Серена уште се натпреварува на ВТА-турнири, а на мечот во Тороно успеа да ја победи Нури Паризас-Дијас од Шпанија, која е на 57-мото место на ВТА-листата.
Легендарната Серена победи со 6:3, 6:4, што е нејзин прв триумф на ВТА-турнирите по пауза од 14 месеци.
„Сепак, постои светло на крајот од тунелот. Се чини дека се приближувам до светлото. Едвај чекам да го здогледам светлото“, рече Вилијамс по победата.
Ladies and Gentlemen: Serena Williams pic.twitter.com/r9eMIYUaRF
— José Morgado (@josemorgado) August 8, 2022
Серена стана само четвртата тенисерка во историјата која по прославата на 40-тиот роденден успеала да победи на ВТА-меч. Претходно тоа им успеало само уште на нејзината сестра Винус, потоа Јапонката Кимико Дате и Мартина Навратилова.
За Серена ова беше вкупно 35-та победа на Отвореното првенство на Канада и стана најуспешна тенисерка на овој турнир.
