Некогашниот прославен бразилски голман Клаудио Тафарел е нов член на стручниот штаб на Ливерпул и ќе биде дел од екипата на Јирген Клоп.
Тафарел бранеше за Бразил на Светското првенство во 1994 година, кога Бразилците во финалето на Мундијалот на пенали ја победија Италија и се искачија на планетарниот трон.
Доаѓањето на Тафарел е најмногу поради тоа што на голот на Ливерпул е бразилскиот чувар на мрежата Алисон Бекер. Тафарел работи и со голманите на бразилската репрезентација, а сега ќе соработува со Алисон и на клупско ниво.
Brazil legend Claudio Taffarel, who won one World Cup and two Copa America titles, is joining Liverpool’s coaching set-up 🇧🇷
He’ll work with Alisson as the new senior goalkeeping coach 🤝
✍️ @Neiljonesgoal has all the details 👇
— GOAL News (@GoalNews) November 30, 2021
Во богатата голманска кариера, Тафарел беше активен во периодот од 1985 до 2003 година, а бранеше за Интернасионал, Парма, Реџина, Атлетико Минеиро и Галатасарај, а голот на Бразил го бранеше во периодот од 1988 до 1998 година.
